Xəbər lenti
Qonağımız var - Özbək şairlərlə görüş
Azərbaycan Yazıçılar Birliyinin dəvəti ilə ölkəmizşə gəlmiş Özbəkistan Yazıçılar Birliyinin üzvləri, şair-tərcüməçi Gülzirə Şəripova, Gülbahar Səid Qəni və tətcüməçi Güllalə Ruziyeva ilə Sumqayıt Poeziya Evində görüş keçirilib.Görüşdə şəhərimizin ədəbi mühitinin tanınmış simaları, jurnalistlər və digər qonaqlar iştirak ediblər.
Tədbiri giriş sözü ilə Poeziya Evinin direktoru, şair-tərcüməçi İbrahim İlyaslı açaraq qonaqları salamlayıb, Azərbaycan-Özbəkistan ədəbi əlaqələri haqqında geniş məlumat verib, soy-kökü eyni olan millətin dostluğu, birliyi, həmrəyliyi üçün ədəbiyyatın, poeziyanın ən yaxşı təbliğat vasitəsi olduğunu vurğulayıb.
Sumqayıt Regional Mədəniyyət İdarəsinin rəisi Rəşad Əliyev çıxışında qeyd edib ki, xalqlarımız arasında qarşılıqlı mədəni əlqələrin qurulması və inkişafı olduqca əhəmiyyətli və vacibdir.
Sonra Gülzirə Şəripovaya və Gülbahar Səid Qaniyə Poeziya Evinin "Fəxri qonağı” diplomu təqdim edilib.
"Manevr.az" Media Qrupunun rəhbəri Namiq Dəlidağlı öz növbəsində Azərbaycan - Özbəkistan ədəbi əlaqələrindən danışıb, gələn qonaqlara diplom və xatirə hədiyyələri təqdim edib.
Qələm sahiblərindən Ofeliya Babayeva, Rafiq Oday, Nazilə Gültac, Natəvan Dəmirçioğlu, Hümbət Quliyev, Almaz Sahilə, Aida Eyvazlı, Gülnarə Cəmaləddin, Əli Nəcəfxanlı, Gülbahar Haqverdiyeva, Xatirə Fərəcli, Şahməmməd Dağlaroğlu, Aləm Kəngərli, Asif Asiman, Mədaxil Cavadlı və başqaları qardaş ölkə şairlərinin şəhərimizə təşrif buyurmasından sevindiklərini bildirib, öz şeirlərini səsləndiriblər.
Sonda özbək qonaqlar yaradıcılıqlarından nümunələr söyləyib, Azərbaycan ədəbiyyatını, mədəniyyətini ürəkdən sevdiklərini, görüşdən çox məmnun qaldıqlarını ifadə ediblər.
İlhamə Məhəmmədqızı
(Şəkillər Şakir Rəhmanındı)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Sorğu
Portalımızı dəyərləndirin.
Çox oxunanlar