Bu planetdə hər fəsil 40 il davam edir

Hər mövsümün 40 il davam etdiyi Neptun planetində temperatur kəskin aşağı düşüb. 

17 il əvvəl başlamış yay mövsümündə mavi planetin səthində anidən soyuma qeydə alınıb. Avropa Cənub Rəsədxanasının astronomları bu prosesi gözlənilməz hesab edirlər. Onlar bildirirlər ki, yay mövsümündə temperaturun artmasını gözləsələr də, soyuma baş verib. 2013-2019-cu illərdə temperatur 18 dərəcə azalıb. Planetdə orta temperatur -200 dərəcə Selsidir. Planetin atmosferi su, metan və azotdan ibnarətdir. Cənub qütbündə küləyin sürəti saatda  2000 kilometrə çatır. 

Neptun Yerdən çox uzaq olduğu üçün onu klassik teleskoplarla yaxşı müşahidə etmək mümkün deyil. Bu planet haqqında ən dolğun məlumatı 1989-cu ildə “Voyager” kosmik zondu ötürmüşdü. Sonradan “Hubble” teleskopunun köməyi ilə dolğun məlumat almaq mümkün oldu. 

Qeyd edək ki, Neptundan Günəşədək olan məsafə Yerlə Günəş arasındakı distansiyanın 30 mislidir. Bu planetdə 1 il Yerdəki 165 ilə bərabərdir. lent.az

Manevr.az