Xəbər lenti
Yeni ildə çörəyin qiyməti bahalaşa bilər - Ekspertdən açıqlama
Yeni ildə bir çox məhsulların qiymətinin bahalaşması ilə bağlı proqnozlar verilməkdədir. Artıq bu bahalaşma bəzi qida məhsullarında özünü göstərməkdədir. Belə ki, 50 kiloqramlıq kisə un 27-28 manata satılırdısa, hazırda 29-30 manata satılır. Çörəyin həcmində də azalma müşahidə olunmaqdadır. Bir çoxlarını gələn ildən çörəyin qiymətində bahalaşmanın olub-olmayacağı maraqlandırır.
Manevr.az-ın məlumatına görə bununla bağlı big.az-a açıqlamasında Liberal İqtisadçılar Mərkəzinin rəhbəri Akif Nəsirli bildirib ki, Azərbaycanda ərzağa olan təlabatın xeyli hissəsi idxal hesabına ödənilir: “Əhalinin çörəyə olan ehtiyacı da xaricdən gətirilən buğda və un hesabına ödənilir. Dünya bazarında ərzaq buğdasının qiyməti qalxmaqdadır. Bu artım aşırı həddə hiss edilməsə də ərzaq buğdasının qiymətində bahalaşma müşahidə olunur. Bu onu göstərir ki, ölkədə çörəyin qiymətinin artmasına təzyiqlər var. Maya dəyəri daha baha başa gəlir. Ona görə də hazırda sahibkarlar zərərlə işləməmək üçün müxtəlif vasitələrdən istifadə edirlər. Yəni unun qiymətini qaldırırlar və ya çörəyin çəkisini azaldırlar. Bilirsiniz ki, çörəyin qiymətini dövlət tənzimləyir. Ola bilsin ki, bu istiqamətdə dövlət hansısa tədbirlər görəcək. Sahibkarlara kompensasiya verməklə və ya hansısa güzəştlərlə çörəyin qiymətini sabit saxlaya biləcək. Amma tədbirlər olmasa 2019-cu ildə çörəyin qiymətində bahalaşma olması gözlənilir”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar