Xəbər lenti
Gələn il üçün orta aylıq pensiya məbləği açıqlandı
Əmək pensiyalarının ödənilməsi xərclərinin artım səviyyəsi Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun (Fond) ümumi xərclərinin artım səviyyəsini bir qədər üstələyəcək.
Bu barədə “Azərbaycan Respublikasının 2018-ci il dövlət büdcəsi haqqında” qanun layihəsinə Hesablama Palatasının verdiyi rəydə qeyd edilib.
Bildrilib ki, bununla belə, orta aylıq əmək haqqının cari ildə keçən ilə nisbətən gözlənilən 6,2%-lik artımı şəraitində, həmçinin müvafiq qanunvericiliyə edilmiş dəyişikliklərdən sonra gələn ilin əvvəlində qanunvericiliyə müvafiq olaraq aparılacaq indeksləşdirmənin, əvvəlki illərdə olduğu kimi, yalnız pensiyanın sığorta hissəsi üzrə deyil, pensiyanın tam məbləği üzrə aparılması halında pensiya xərclərinin aşağı səviyyəli artımının proqnozlaşdırılması diqqət cəlb edir.
Qeyd olunub ki, 2017-ci ilin I yarısında yeni təyin olunmuş pensiya işlərinin sayında artım müşahidə edilib. Belə ki, Fond tərəfindən təqdim edilmiş 2017-ci ilin I və II rübləri üzrə “Əmək pensiyaları haqqında hesabat”a əsasən, 2017ci ilin I yarısında 39 859 pensiya işi təyin edilib ki, bu da 2016-cı ilin müvafiq illik 62194 say göstəricisinin 64,1%-indən çoxdur və ya 2016-cı il üzrə müvafiq göstəricinin yarısını xeyli üstələyir.
Fond tərəfindən orta pensiya məbləği və pensiyaçıların sayı haqqında tərtib edilmiş məlumatlara əsasən, 2018-ci ildə orta aylıq pensiya məbləğinin 216,5 manat olacağı proqnozlaşdırılıb. Bu göstərici 2016-cı il üzrə 192,2 manat icra göstəricisindən 24,3 manat və ya 12,6%, 2017-ci il üzrə gözlənilən 208,9 manat icra göstəricisindən isə 7,6 manat və ya 3,6% çoxdur.
2018-ci ilin sonuna əmək pensiyaçılarının sayının 1304,1 min nəfər olacağı proqnozlaşdırılıb ki, bu da 2016-cı ilin sonuna olan 1315,2 min nəfər say göstəricisindən 11,1 min nəfər, cari ilin sonuna gözlənilən 1311 min nəfər say göstəricisindən 6,9 min nəfər azdır və ya həmin göstəricilərin, müvafiq olaraq, 99,2%-i və 99,5%-i qədərdir.faktxeber.com
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar