_99.jpg)
Xəbər lenti
Prezidentdən sahibkarlara dəstək – Fərman
Ölkənin sosial-iqtisadi inkişafı üçün kiçik və orta sahibkarlıq əsas dayaq nöqtələrindəndir.
Bu sözləri Axar.az-a iqtisadçı alim Vüqar Bayramov Azərbaycan Respublikasının Kredit Zəmanət Fondu ASC-nin yaradılması ilə bağlı Prezident fərmanını şərh edərkən deyib. Onun sözlərinə görə, bu layihə Strateji Yol Xəritəsində öz əksini tapmışdı:
“2017-ci ildə nəzərdə tutulan fəaliyyətlərdən biri də Kredit Zəmanət Fondunun yaradılmasıdır. Prezident İlham Əliyev artıq bununla bağlı fərman imzaladı. Bu fondun yaradılmasında əsas məqsəd kiçik və orta sahibkarların kreditlərə çıxış imkanlarını artırmaqdır. Nəzərə almalıyıq ki, bu gün kiçik və orta sahibkarların kreditlərə çıxış imkanlarının genişləndirilməsi əsas prioritetlərdən sayılır. Çünki müxtəlif sahələrin inkişafı birbaşa onların fəaliyyətinin məhsuldarlığından asılı olur. Belə bir fondun yaradılması kiçik sahibkarların daha ucuz kredit əldə etməsinə və inkişafına şərait yaradacaq. Həmçinin, kiçik və orta sahibkarlara kreditlərin təqdim edilməsinin sistemləşdirilməsinə kömək edəcək”.
Ekspert bildirib ki, fondun yaradılması müxtəlif sahələrdən sahibkarları cəlb etməklə, həmin pulları güzəştli kredit formasında kiçik və orta sahibkarlara təqdim etməyi mümkün edəcək:
“Bu da kiçik sahibkarlığın maliyyə təminatının gücləndirilməsinə gətirib çıxaracaq. Fikrimcə, bu fondun yaradılması Azərbaycanda sözügedən sahibkarlığın dəstəklənməsi üçün əhəmiyyətlidir”.
Qeyd edək ki, Azərbaycan Respublikası Prezidenti İlham Əliyev sahibkarların maliyyə resurslarına çıxış imkanlarının genişləndirilməsinə dövlət dəstəyi ilə bağlı bir sıra tədbirlər haqqında fərman imzalayıb. Fərmana əsasən, Azərbaycan Respublikasının Kredit Zəmanət Fondu Açıq Səhmdar Cəmiyyəti yaradılıb
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar