Xəbər lenti
Bozalqanlı kənd tam orta məktəbinin 100 illik yubileyi qeyd edilib
Tovuz rayon Yusif Sadıqov adına Bozalqanlı kənd tam orta məktəbinin yaradılmasının 100 illik yubileyi ilə əlaqədar keçirilən tədbirdə Tovuz Rayon İcra Hakimiyyətinin başçısı Məmməd Məmmədov, deputatlardan Müşfiq Məmmədli, Qənirə Paşayeva, Arzu Nağıyev, Rauf Əliyev, Sabir Hacıyev, Azərbaycan Milli Elmlər Akademiyasının əməkdaşı, professor Mayıl Əsgərov, Elm və Təhsil Nazirliyinin əməkdaşları, məktəbin məzunları, müəllimlər və şagirdlərlə birlikdə iştirak ediblər.
Milli Məclisi deputatı Müşfiq Məmmədlinin Manevr.az-a verdiyi məlumata görə, tədbirdən əvvəl Ulu Öndər Heydər Əliyevin adını daşıyan mədəniyyət və istirahət parkında ucaldılmış abidəsi ziyarət olundu, önünə gül dəstələri qoyuldu.
Deputat bildirib ki, qonaqlar məktəbdə şagirdlərin əl işlərindən ibarət sərgiyə baxış keçirildi, idman zalında yaradılan şəraitlə tanış olub, azyaşlı idmançılarla görüşərək onlara gələcək həyatlarında uğurlar arzulayıb, 100 illik yubiley münasibətilə məktəbin kollektivini təbrik edib, Möhtərəm Prezident cənab İlham Əliyevin rəhbərliyi ilə Azərbaycan Respublikasında görülən işlərdən və əldə olunan nailiyyətlərdən, həmçinin təhsilin inkişafı sahəsində həyata keçirilən dövlət siyasətindən danışıblar:
"Məktəbin yaranma tarixindən və bu günə qədər keçdiyi inkişaf yolundan bəhs edərək ölkə rəhbəri tərəfindən həyata keçirilən təhsil strategiyasının uğurlarından söz açıldı. Məktəbdə yaradılmış müasir standartlara cavab verən şəraitə görə Prezident cənab İlham Əliyev və Birinci vitse-prezident Mehriban xanım Əliyevaya təşəkkürlərini bildiriblər", deyə M.Məmmədli qeyd edib.
Tədbir Y.Sadıqov adına Bozalqanlı kənd tam orta məktəbinin məzunları olan rayonun mədəniyyət və incəsənət nümayəndələrinin konsert proqramı ilə davam etdirildi.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar