Xəbər lenti
Teymur Rəcəbov uduzdu, 3-cü yer uğrunda yarışacaq
“Champions Chess Tour” çərçivəsində keçirilən “Opera Euro Rapid” turnirində yarımfinal mərhələsinin ikinci matçları keçirilib.
Manevr.az apasport.az saytına istinadən məlumatına görə, mükafat fondu 100 min ABŞ dolları olan yarışın yeddinci günündə finalçılar müəyyənləşib.
Azərbaycan şahmatçısı Teymur Rəcəbov ABŞ təmsilçisi Uesli So ilə qarşılaşıb. Fevralın 11-də keçirilən ilk matçda 1,5:2,5 hesabı ilə uduzan qrossmeysterimiz ikinci oyunda revanş almaq üçün mübarizə aparsa da, istəyini reallaşdıra bilməyib. İlk 2 görüşdə heç-heçə oynayan qrossmeysterimiz üçüncü qarşılaşmasında məğlubiyyətə üzülüb. Nəticədə 4-cü oyun keçirilməyib və qələbə qazanmaq şansını itirən Rəcəbov 3 matçın yekununa əsasən finala yüksələ bilməyib.
Məğlubiyyətə baxmayaraq, o, 3-cü yer uğrunda yarışacaq. Təmsilçimizin rəqibi digər yarımfinal cütündə Maqnus Karlsenə (Norveç) uduzan Maksim Vaşye-Laqrav (Fransa) olacaq.
Çempion titulu uğrunda görüşdə isə Karlsen Sonu sınağa çəkəcək.
Qeyd edək ki, final və 3-cü yer uğrunda ilk matçlar fevralın 13-də keçiriləcək, turnirə ertəsi gün yekun vurulacaq.
“Opera Euro Rapid”
Yarımfinal, ikinci matç
12 fevral
20:00. Teymur Rəcəbov (Azərbaycan) - Uesli So (ABŞ) - 1:2 (0,5:0,5, 0,5:0,5, 0:1)
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar