Xəbər lenti
Beynəlxalq Cüdo Federasiyası Bakı haqqında məqalə dərc edib
"İlk dəfə Bakıda olanda ağıla gələn ilk şey, sadəcə, "Vau!" olur".
Manevr.az "report"a istinadən xəbər verir ki, bu fikirlər Alan Abrahamsonun sentyabrın 20-dən 27-dək Azərbaycan paytaxtında keçiriləcək cüdo üzrə dünya çempionatına həsr olunmuş məqaləsində yer alıb. Məqalə Beynəlxalq Cüdo Federasiyasının rəsmi saytında dərc edilib.
Məqalədə Bakının rəngarəngliyi, gözəllikləri və nəfəs kəsən hisslər yaratmasından danışılır. Müəllif qeyd edir ki, Bakını dünyanın meqapolisləri və ya tarixi şəhərləri ilə müqayisə etməyə tələsmək lazım deyil: "Aldanmayın. Bakı bu fikirlər olmadan da sizi təəccübləndirəcək məqamlara malikdir", - müəllif yazır.
Bundan başqa, A.Abrahamson məqalədə şəhərin tarixi keçmişi, onun 12-15-ci əsrlərə aid memarlıq mirası ilə hazırkı futurustik memarlığı arasında paralellər aparıb, Heydər Əliyev Mərkəzini, Alov qüllələrini (FlameTowers) və Bakının yeni vizit kartları olan digər göydələnləri müasir memarlıq nümunələri kimi qələmə verib.
Həmçinin məqalədə Bakının böyük beynəlxalq turnirlər keçirməkdəki uğurlu təcrübəsi vurğulanıb: "2012-ci ildə Bakı "Eurovision" mahnı müsabiqəsinə ev sahibliyi edib. İlk Avropa Oyunları da 2015-ci ildə Bakıda keçirilib. Son iki ildə Formula-1 pilotları Bakı yollarında yarışıb. Bundan başqa, 2020-ci ildə futbol üzrə Avropa çempionatının 1/4 final mərhələsinin bir oyunu da Bakı Olimpiya Stadionunda keçiriləcək".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar