_99.jpg)
Xəbər lenti
"Sumqayıt"ın futbolçusu: "Bizə vaxt verin və hər şeyi özünüz görəcəksiniz"
"İlk 45 dəqiqədə rəqibin cəmi 1 qol imkanı oldu. Penalti zərbəsini nəzərdə tuturam. Başqa fürsətləri olmadı. Öz dəst-xəttimizə uyğun futbol sərgiləmək istəyirdik. Hesab edirəm ki, layiqli oyun nümayiş etdirdik. Bəli, "Qarabağ" yüksək səviyyəli komandadı. Ancaq onlarla da oynamaq mümkündür. Fasilədən sonra qırmızı vərəqə aldığımız epizodadək də çox yaxşı oynadıq. Elə özümün də fərqlənmək üçün yaxşı şanslarım oldu. İmkandan istifadə edib komanda yoldaşlarımdan bu fürsətləri qaçırdığıma görə üzr istəyirəm. Azlıqda qaldıqdan sonra topa nəzarət rəqibə keçdi".
Manevr.az "report"a istinadən bildirir ki, bunu "Sumqayıt"ın futbolçusu Aleksey İsayev Topaz Premyer Liqasının IV turunda səfərdə "Qarabağ"a 0:1 hesabı ilə məğlub olduqları oyundan sonra jurnalistlərə müsahibəsində deyib.
Yarımmüdafiəçi daha sonra jurnalistlərin suallarını cavablandırıb:
Son dəqiqədəki epizodda penalti var idi?
- Bunu hakimdən soruşun.
Bu cür "Qarabağ" görəcəyinizi gözləyirdiniz, yoxsa daha əzəmətlisini gözləyirdiniz?
- "Qarabağ" güclü komandadır. Məzmunlu oyuna köklənmişdim. Bu, belə də oldu. Oyuna görə "Qarabağ"a təşəkkür edirəm.
Çempiondan xal qopara bilməməyinizə nə mane oldu?
- Əldə edilən qol epizodlarının boşa verilməsi. Bir də... hakimdən soruşun. Hər şey gözü qarşısında baş verdi. Üç aydır ki, Azərbaycandayam. Heç nə deməyəcəyəm.
Hesab edirsiniz ki, son dəqiqədə penalti təyin edilməli idi?
- Təkrarına baxdıq. Penalti var idi.
Rusiyada da analoji halla rastlaşmısınız?
- Hər yerdə belə şeylər olur. Hakimlər də insandırlar.
Bəlkə rəqib "Qarabağ" olduğuna görə hakim penalti təyin etmədi?
- Bu ənənəvi sualdır. Bilmirəm, cavab verə bilmərəm.
Qarşınıza qoyulan məqsəd nədir?
- Avropa Liqasına vəsiqə qazanmaq tapşırığımız var. Klub prezidenti deyib, biz də həyata keçirməliyik. Yaxşı, keyfiyyətli komandamız var. Hesab edirəm ki, məqsədimizə çatmalıyıq. Komandamız yenidi. Cəmi 2 aydır bir yerdəyik. Bizə vaxt verin və hər şeyi özünüz görəcəksiniz.
10 nömrəli formanı seçmisiniz. Bunun sirri nədədir?
- Uşaqlıqdan bu nömrəni sevmişəm. Hərənin bir arzusu olur. Mənim də arzum hər zaman bu maykada çıxış etməkdir.
Azərbaycana bağlılığınız var?
- Var, ata tərəfdən. Ancaq uşaqlıqdan atasız böyümüşəm.
Milli komandamızdan dəvət gəlsə dəyərləndirərsiniz?
- Açığı, hələ bu barədə düşünürəm.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar