Xəbər lenti
Bu gün futbol üzrə Azərbaycan millisi San-Marino ilə qarşılaşacaq
Bu gün futbol üzrə Azərbaycan millisi DÇ-2018-in seçmə mərhələsində ilk oyununu keçirəcək.
Manevr.az-ın məlumatına görə, səfərdə keçiriləcək qarşılaşmada rəqib San-Marino yığması olacaq.
FİFA reytinqində 136-cı mövqedə olan Azərbaycan millisi ilə siyahının ən son pilləsində dayanan San-Marino arasında baş tutacaq görüşdə qonaqlar favorit hesab olunur.
Belçikadan olan hakimlər briqadasının idarə edəcəyi qarşılaşma yerli Olimpiya Stadionunda olacaq. Meydan sahiblərinin qənaətinə görə, oyuna yerli azarkeşlər tərəfindən marağın az olacağı gözlənilir.
Komandalar artıq son hazırlıqlarını başa vurublar. Yığmanın heyətində yalnız iki futbolçu yer almayıb. Bunlar zədə səbəbindən milliyə qatılmayan Ruslan Abışov və Bədavi Hüseynovdur. Milliyə yeni cəlb olunan Ramil Şeydayev və Emin Mahmudov da düşərgədə yer alıb. Matçın start heyətində Kamran Ağayev, Məhəmməd Mirzəbəyov, Rəşad Sadıqov, Arif Daşdəmirov, Maksim Medvedev, Qara Qarayev, Rahid Əmirquliyev, Dmitri Nazarov, Əfran İsmayılov, Ağabala Ramazanov və Ruslan Qurbanov yer alacaq.
DÇ-2018, Seçmə mərhələ, I tur
C qrupu
20:00. San-Marino - Azərbaycan
Baş hakim: Sebastyan Delferye
Yan xətt hakimləri: İv de Nev, Jo de Vayrdt
Dördüncü hakim: Aleksandru Bukot (hamısı Belçika)
Hakim-inspektor: Emil Bojinovski (Makedoniya)
UEFA nümayəndəsi: Luka Zorzi (İsveçrə)
Serravalle, Olimpiya stadionu
Azərbaycan millisinin mübarizə apardığı "C" qrupunda bu gün daha iki oyun keçiriləcək. Çexiya evdə Şimali İrlandiya ilə qarşılaşacaq. Almaniya yığması isə Norveçin qonağı olacaq.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar