Mbappenin transfer qiyməti kəskin düşdü

"Transfermarkt" portalı mövsümün ilk hissəsinin nəticələrinə əsasən İspaniya çempionatında oyunçuların bazar dəyərini yeniləyib.
Manevr.az xəbər verir ki, bu barədə RBC məlumat verib.

Ən çox dəyərini itirən "Real Madrid"in beş oyunçusudur (hər biri 20 milyon avro). Bunlar Kilian Mbappe (hazırda 160 milyon avro dəyərindədir), Orelyen Çuameni (80 milyon avro), Eduardu Kamavinqa (80 milyon avro), Eder Militao (40 milyon avro) və Endrikdir (40 milyon avro).
Qeyd edək ki, Mbappe bu ilin iyulunda "Real Madrid" ilə müqavilə imzalayıb. 26 yaşlı fransız forvard yeni klubunda 23 oyun keçirib, 13 qol vurub və 3 məhsuldar ötürmə edib.
Ən çox "Barselona"nın oyunçuları Lamin Yamal (180 milyon avro) və Pau Kubarsinin (70 milyon avro) qiyməti artıb (hər biri 30 milyon avroya qədər).
Qiymətinin düşməsi səbəbindən Mbappe dünyanın ən bahalı dörd futbolçusu arasında yerini itirdi. Burada onu Yamal əvəz etdi. "Transfermarkt" Vinisius Junior ("Real Madrid") və Erlinq Holandı ("Mançester Siti") 200 milyon avro, Yamal və Cud Bellinqemi ("Real Madrid") 180 milyon avro dəyərində qiymətləndirir.(oxu.az)