Şəhriyar Məmmədyarov Superturnirdə

İyunun 6-da Özbəkistanın paytaxtı Daşkənddə şahmat üzrə yeni superturnirə start veriləcək.
Manevr.az xəbər verir ki, iştirakçılar reytinqə əsasən üç müxtəlif turnirdə yarışacaq.
Ən yüksək reytinqlilərin çıxış etdiyi “Masters” kateqoriyasında Nodirbek Abdusattorov (Özbəkistan), Parham Maqsudlu (İran), Aleksandr Qrişuk (FIDE), Yangyi Yu (Çin), Vidit Santoş Gucrati (Hindistan), Rixard Raport (Rumıniya), Aleksey Sarana (Serbiya) və digərləri iştirak edəcək. Superturnirdə isə Azərbaycan Şəhriyar Məmmədyarovla təmsil olunacaq.

Aydın Süleymanlı və Vüqar Rəsulov müvafiq olaraq, “Challengers” və “Futures” qruplarında mübarizə aparacaq.
Yarışa iyunun 14-də yekun vurulacaq.