Ronaldo mundial səfiri olmaqdan imtina etdi?

Səudiyyə Ərəbistanının "Əl Nəsr" klubuna transfer olunan Kriştiano Ronaldo ölkənin DÇ-2030-a namizədliyi dövründə səfir olmayacaq.

Manevr.az xəbər verir ki, bu barədə "sarı-göylər"in rəsmi saytı məlumat yayıb. Daha əvvəl 37 yaşlı forvardın Səudiyyə Ərəbistanının 2030-cu il dünya çempionatı üçün müraciətinin səfiri olacağı və bunun üçün 200 milyon avro alacağı bildirilirdi. "Əl Nəsr" mediada yayılan xəbərlərin əksinə olaraq, bildirib:

"Onun əsas diqqəti "Əl Nəsr"ə və klubun uğur qazanmasına kömək etmək üçün komanda yoldaşları ilə işləməkdir".

Portuqaliya mətbuatı isə iddia edir ki, Ronaldo özü səfir olmaqdan imtina edib. Buna səbəb Səudiyyə Ərəbistanı kimi ölkəsinin də DÇ-2030-u qəbul etmək üçün namizədliyini irəli sürməsidir. Portuqaliyaya rəqib olmaq istəməyən ulduz futbolçu ərəblərin 200 milyon avroluq təklifini geri çevirməli olub.

Qeyd edək ki, Ronaldo ötən il dekabrın 30-da "Əl Nəsr"lə 2 illik müqavilə imzalayıb.publika.az