"Helikopterdə sərnişin kabinasına yaxın, giriş qapısının yanında əyləşmişdim. Qəza anında çölə baxmamışdım. Son mərhələdə enişi yerinə yetirərkən oldu”.Manevr.az xəbər verir ki, bunu Real TV-yə açıqlamasında helikopterdə yaralanan polkovnik-leytenant Emil Cəfərov deyib.O, qəza ilə bağlı hər hansı bir şübhəli məqam olmadığını vurğulayıb:
“Nə nasazlıq, nə başqa bir şey. Hər şey normal idi. Mi-17 dünya ölkələrinə ən çox satılan helikopterdir. Ən dözümlü, ən dayanıqlı, helikopter sayılır. Həm nəqliyyat, həm hərbi cəhətdən keyfiyyətlidir. Helikopterlərin hamısı təzədir. Uçuşdan əvvəl də yoxlanılmışdı. Yoxlanılmayan helikopterin havaya qalxması qəti qadağandır. Hər bir şey qaydasında idi”.
Polkovnik təlim zamanı ərazidə 2 helikopterin olduğunu deyib:
“Qəza saniyələr çəkdi. Dəqiq bilmirəm, o an mənim üçün saniyələr idi. Külək sürətli deyildi. Mİ-17 hlikopterinin külək və çəki ilə bağlı olan heç bir məhdudiyyəti aşılmamışdı. Proqnoza görə, ərazidə güclü külək günortadan sonra olmalı idi”./ölkə.az
