Xəbər lenti
Bakıda vəzifəli şəxsin oğlu niyə öldürüldü? - TƏFƏRRÜAT
Avqustun 30-na keçən gecə Bakının Xocalı prospektində yerləşən "Berlin pub”da klubun mühafizəçisi Orxan Şahbazovun 1981-ci il təvəllüdlü Vüqar Mustafayevi öldürməsi hadisəsi ilə bağlı bəzi məqamlar üzə çıxıb.
Manevr.az publika.az-a istinadən xəbər verir ki, hadisə "pub”da yerə görə yaranmış mübahisə zəminində baş verib.
Belə ki, gecə saatlarında dostları ilə kluba gələn Vüqar Mustafayev onun istədiyi yerin başqa müştəriyə verilməsinə görə narazılıq edib. Narazılıq daha sonra mübahisəyə çevrilib və mühafizəçi Orxan Şahbazov oraya yaxınlaşıb. Bu zaman münaqişə baş verib və V.Mustafayev onu kənara dartan mühafizəçiyə zərbələr endirib. O.Şahbazov da onu vurub və zərbənin gücündən V.Mustafayev yıxılıb.
Hadisə yerində olan şəxslər əvvəlcə Vüqarın ciddi xəsarət almadığını düşünüblər. Lakin qısa vaxt sonra onun vəziyyətinin ağır olduğu, başından ağır zədə aldığı məlum olub. O, dərhal xəstəxanaya çatdırılıb. Burada V.Mustafayevin baş beyninin zədələndiyi məlum olub. Tibbi müdaxiləyə baxmayaraq dünən saat 08 radələrində o, xəstəxanada vəfat edib.
Qeyd edək ki, vəfat edən şəxs Təhsil Nazirliyində 21 il Ali və orta ixtisas təhsili idarəsinin rəisi, daha sonra isə Elm, ali və orta ixtisas təhsili şöbəsinin müdir müavini işləyən İlham Mustafayevin oğludur. V.Mustafayevin atasının biznesini idarə etdiyi bildirilir.
O.Şahbazov saxlanılıb, faktla bağlı cinayət işi açılıb. Araşdırmalar davam etdirilir.
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar