Xəbər lenti
“Ermənilər meyitləri kəhrizlərə atıblar” - İnstitut direktoru
"Ermənilər Azərbaycanın işğal altında olan ərazilərindəki kəhrizlərin quyularına minalar, partlayıcı və zəhərli maddələr, insan meyitləri atıblar".
Manerv.az xəbər verir ki, bunu Azərbaycan Milli Elmlər Akademiyası Torpaqşünaslıq və Aqrokimya İnstitutunun direktoru Əlövsət Quliyev deyib.
Onun sözlərinə görə, bu səbəbdən işğal altındakı kəhrizlərlə bağlı ərazilərdə müəyyən təhlükəsizlik tədbirləri görülməli, yalnız bundan sonra ondan istifadə edilməlidir.
Bu gün Azərbaycanda 665-ə yaxın kəhrizin olduğunu deyən Ə.Quliyev bildirib ki, ölkənin işğal edilımiş ərazilərində 332 kəhriz olub.
Bu kəhrizlərin qeydiyyata alınmadığını vurğulayan institut direktoru əlavə edib ki, yalnız Cəbrayılda 111 kəhriz var:
“Cəbrayıldakı kəhrizlərin il ərzində 34 milyon kub metr su vermək imkanı var. Bu, az su deyil. Belə imkan Füzulidə, Ağdamda, Dağlıq Qarabağda da var”.
Ə.Quliyev hesab edir ki, Azərbaycanda ölkə miqyasında kəhrizlərə nəzarət edən ayrıca qurum yaradılmalıdır. Bu qurum kəhrizlərin suvermə potensialından istifadəni təmin etməlidir.
Azərbaycanda kəhrizlərdən ötən əsrdə il ərzində təxminən 500 milyon kub metr su götürüldüyünü xatırladan Ə.Quliyev bu gün Naxçıvanda kəhrizlərdən istifadə edildiyini, buradan il ərzində 50-60 milyon kub metr su götürüldüyünü nəzərə çatdırıb: “Kəhrizlərdən çox cüzi xərclə su götürmək mümkündür. Hazırkı dövrdə bu sulardan istifadə çox aktual məsələdir. Nəzərə alsaq ki, kəhrizlərdən cüzi xərclə ekoloji təmiz su çıxır, biz buna sahib çıxmalıyıq”./trend
Manerv.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
Sorğu
Portalımızı dəyərləndirin.
Çox oxunanlar