Xəbər lenti
Direktorun ona tələ quraraq işdən çıxardığını iddia edən kitabxana müdiri ilə bağlı RƏSMİ AÇIQLAMA
Təranə Mahmudovanın 27 il kitabxana müdiri vəzifəsində işlədiyi Bakı şəhər Yasaml rayonunda yerləşən 286 saylı orta məktəbdən, təhsil müəssisənin direktoru Samir Mehdizadə tərəfindən haqsız yerə çıxarıldığını iddia etməsi barədə xəbə verilib.
Manevr.az-ın xəbərinə görə, məsələ ilə bağlı Bakı şəhəri üzrə Təhsil idarəsindən yeniavaz.com-a açıqlama verilib. Bildirilib ki, T. Mahmudovanın əmək müqaviləsinə Əmək Məcəlləsinin 70-ci maddəsinin “ç” bəndi ilə xitam verilməsinin səbəbi budur: “Bakı şəhəri 286 nömrəli məktəbin kitabxana fondunun inventarizasiyası zamanı 1779,31 manat dəyərində dərs vəsaiti olan kitabların əskik gəlməsi faktı aşkarlanmışdır. Faktla əlaqədar aparılmış araşdırma nəticəsində müəyyən olunmuşdur ki, qeyd olunan çatışmazlıq məktəbin kitabxana müdiri Mahmudova Təranə Əyyub qızının kitabxananın işinin təşkili, kitabların uçotunun aparılması, saxlanması və qorunması ilə bağlı nöqsanlara yol verərək, əmək funksiyasını və əmək müqaviləsi üzrə öhdəliklərini keyfiyyətsiz yerinə yetirməsi nəticəsində yaranmışdır.
Bununla əlaqədar, Bakı şəhəri 286 nömrəli tam orta məktəbin 05 mart 2018-ci il tarixli əmri əsasında məktəbin kitabxana müdiri Mahmudova Təranə Əyyub qızı ilə bağlanmış əmək müqaviləsinə Əmək Məcəlləsinin 70-ci maddəsinin “ç” bəndi ilə xitam verilmişdir”.
Qeyd olunub ki, Təranə Mahmudova işə bərpa tələbi ilə məhkəməyə müraciət etsə də, onun iddiası təmin edilməyib: “Bununla bağlı Bakı şəhəri Yasamal Rayon Məhkəməsinin 08.05.2018-ci il tarixli, 2(004)-4015/2018 saylı, Bakı Apelyasiya Məhkəməsinin 26.09.2018-ci il tarixli, 2(103)-8249/2018 saylı qətnamələri və Azərbaycan Respublikası Ali Məhkəməsinin 06.02.2019-cu il tarixli, 2(102)-959/19 saylı qərarı mövcuddur”.
Bakı şəhəri üzrə Təhsil idarəsindən verilən məlumata görə T. Mahmudovanın bu məsələ ilə bağlı ünvanladığı müraciətlərə dəfələrlə aydın və əhatəli cavablar verilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
Sorğu
Portalımızı dəyərləndirin.
Çox oxunanlar