Xəbər lenti
Elinanın anası icra başçısının müavini ilə üzləşdirildi
Özünü oxuduğu 162 saylı məktəbin üçüncü mərtəbəsindən ataraq intihar edən Elina Hacıyevanın valideynləri direktor Sevinc Abbasovanın həbs olunmasını, həkimlərin cəzalandırılmasını istəyir. Məktəblinin yaxınlarının tələblərindən biri həyata keçib.
Manevr.az xəbər verir ki, Elina Hacıyevanın anası Sevil Hüseynova həm Səbail Rayon İcra Hakimiyyəti başçısının birinci müavini Xalidə Bayramova, həm də Sevinc Abbasova ilə üzləşdirilib. Üzləşmə Bakı şəhər Prokurorluğunda baş tutub. Amma vəkil Emin İsayev bu haqda məlumat vermək istəməyib. Bunu istintaq sirrini yaymamaq arqumenti ilə izah edib.
Vəkilin dediyinə görə, Sevil Hüseynova bir müddət əvvəl Kliniki Tibbi Mərkəzdə Elinanın müayinə və müalicəsinə cavabdeh həkimlərlə də üzləşdirilibmiş.
Hadisə aprelin 4-də olmuşdu. Elinanı intihardan sonra xəstəxanaya çatdırsalar da, onun həyatını xilas edə bilməmişdilər. Məktəblinin ailəsi Xalidə Bayramova ilə Sevinc Abbasovanı şagirdi intihardan sonra videoya çəkərək, xəstəxanaya gec yola salmaqda ittiham edir. Ümumiyyətlə, Elinaya məktəbdə pis münasibət olduğu bildirilir. Təqsiri sübuta yetirilsə, direktoru 5 ilə qədər azadlıqdan məhrumetmə cəzası gözləyir.bizimyol.info
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar