_99.jpg)
Xəbər lenti
Türkiyədə təbii fəlakət ciddi fəsadlar törədib
Türkiyənin Düzce şəhərində baş vermiş torpaq sürüşməsi və sel nəticəsində 45 kəndə ciddi ziyan dəyib. Hazırda bu vəziyyətdən zərər çəkən vətəndaşlara dövlət yardımının verilməsinə başlanılıb.
Manevr.az xəbər verir ki, bu barədə Türkiyənin Fövqəladə Halların İdarə Olunması Agentliyinin (AFAD) rəhbəri Mehmet Güllüoğlu hadisə yerini ziyarət edərkən bildirib.
M.Güllüoğlu baş vermiş təbii fəlakət zamanı itkin düşənlərdən beş nəfərin cəsədinin artıq tapıldığını, 3 və 7 yaşlı iki uşağın tapılması üçün isə axtarış-xilasetmə işlərinin davam etdirildiyini bildirib. O, axtarış-xilasetmə işlərinə 300-dən çox texnikanın və 700 canlı qüvvənin cəlb olunduğunu qeyd edib.
Xatırladaq ki, iyulun 17-də və 18-də yağan güclü yağış səbəbindən Melen çayının daşması nəticəsində Türkiyənin Düzce şəhərinin Cumayeri, Gölyaka və Akçakoca rayonlarında sel və torpaq sürüşməsi baş verib. Təbii fəlakət nəticəsində 7 nəfər itkin düşüb, 227 nəfər xilas edilib.
Təbii fəlakət nəticəsində minlərlə hektar əkin sahəsi yararsız hala düşüb, 170 minə yaxın ev heyvanı tələf olub. Hadisə nəticəsində 75-i ağır olmaqla 375 binaya zərər dəyib. Yüz ev isə tamamilə dağılıb.
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar