Xəbər lenti
Azərbaycan hərbçiləri "NATO-Gürcüstan 2019" təlimlərinə qatılacaq
Gürcüstanda “NATO-Gürcüstan 2019” adı altında hərbi təlimlər keçiriləcək.
ONA-nın Gürcüstan bürosu xəbər verir ki, Azərbaycan hərbçilərinin də iştirak edəcəyi komanda-qərargah təlimi Tbilisi yaxınlığında NATO-Gürcüstan Birgə Təlim və Qiymətləndirmə Mərkəzi (JTEC) və Krtsanisi Milli Təlim Mərkəzində baş tutacaq.
Martın 18-dən start götürəcək təlimlər 29 mart tarixinə qədər davam edəcək. Təlim mərkəzinin açılışı Gürcüstan Müdafiə Nazirliyində baş tutacaq.
Təlimdə NATO-ya üzv və Alyansın tərəfdaşı olan ümumilikdə 24 müttəfiq ölkədən 350-dən çox, eləcə də dörd NATO tərəfdaş ölkəsi - Azərbaycan, Finlandiya, Gürcüstan və İsveç hərbçiləri qatılacaq. Həmçinin Təlimə Beynəlxalq Qırmızı Xaç Komitəsi (ICRC), BMT-nin Sülhməramlı Əməliyyatlar üzrə Departamenti (DPKO) və Ümumdünya Səhiyyə Təşkilatı (WHO) müşahidəçi və mentor qismində cəlb olunacaq.
Xatırladaq ki, “NATO-Gürcüstan 2019” təlimləri ikinci dəfə keçirilir. İlk birgə komanda və nəzarət təlimləri 2016-cı ildə baş tutub.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar