Xəbər lenti
Qaxda KABUS GECƏ: mikroavtobus yük avtomobili ilə toqquşdu və... - VİDEO
Şəmkirdə minik avtomobili yük maşını ilə toqquşub. Hadisə zamanı 2 nəfər ölüb, 1 nəfər xəsarət alıb. Qaxda isə mikroavtobusun yük maşını ilə toqquşması ölümlə nəticələnib.
Minik avtomobilinin yük maşını ilə toqquşması 2 nəfərin ölümü ilə nəticələnib…
Ağır qəza Bakı-Qazax avto magistralının Şəmkirin Əliyaqublu kəndindən keçən hissəsində baş verib. Əliyaqublu kənd sakini, 20 yaşlı Ruslan Kazımovun idarə etdiyi minik avtomobili yük maşını ilə toqquşub. Sürücü Ruslan Kazımov və avtomobildə olan sərnişin, 19 yaşlı Elxan Cəlilov hadisə yerində dünyasını dəyişib. Digər sərnişin, 24 yaşlı Bağır Hüseynov isə ağır bədən xəsarətləri ilə Şəmkir rayon mərkəzi xəstəxanasına yerləşdirilib. Daha sonra o Gəncədəki özəl xəstəxanaya aparılıb.
Qaxda da ölümlə nəticələnən qəza baş verib. Hadisə rayonun Yevlax-Zaqatala-Gürcüstan magistralının Qıpçaq kəndindən keçən hissəsində qeydə alınıb. Xaçmaz sakini, 34 yaşlı Məcid Məhərrəmovun idarə etdiyi mikroavtobus Yevlaxdan Balakən istiqamətində hərəkətdə olarkən əks tərəfdən gələn, Balakənin Talalar kənd sakini, 42 yaşlı Səməd Qurbanovun sükan arxasında olduğu yük maşını ilə toqquşub.
Mikroavtobusun sürücüsü Məcid Məhərrəmov hadisə yerində dünyasını dəyişib. Mikroavtobusda olan sərnişin, Balakən sakini 27 yaşlı Nail Xanullayev isə müxtəlif dərəcəli bədən xəsarətləri ilə Qax Rayon Mərkəzi Xəstəxanasına çatdırılıb alıb. Vəziyyəti kafidir. Yük avtomobilinin sürücüsünün sözlərinə görə, Balakəndən Bakı istiqamətində hərəkətdə olarkən qarşıdan gələn mikroavtobus qəfildən onun yoluna çıxıb. Hər iki faktla bağlı araşdırma aparılır.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar