_99.jpg)
Xəbər lenti
Qubada sabah açılışı planlaşdırılan məktəb kül oldu FOTO, VİDEO
Açılışına hazırlıq görülən bina gecə yanıb
"Qubanın rayon mərkəzindən 77 km aralıda yerləşən Çarxaçu kəndində yeni inşa olunan modul tipli məktəbin yanması ilə bağlı istintaq aparılır. FHN-nin müvafiq idarəsi yanmış materiallardan nümunə götürərək ekspertizaya təqdim edib. Quba rayon prokurorluğu da araşdırma başlanılıb. Hər iki qurumun yekdil rəyindən sonra yanğının səbəbləri məlum olacaq."
Bu barədə hadisə yerindən Qubanın icra başçısı Ziyəddin Əliyev məlumat verib. Rayon rəhbəri bildirib ki, məsələ barədə təhsil nazirinin rəhbərliyi də məlumatlandırılıb. Ümid edirik ki, yanan məktəb yenidən inşa olunacaq. Hələlik araşdırma getdiyindən tam açıqlama verə bilmirik.
Qeyd edək ki, sentyabrın 21-də açılışı nəzərdə tutulan Çarxaçu kənd məktəbi gecə saat 3-də yanıb.
"Rayon mərkəzindən gələn FHN-nin 1 ədəd yanğınsöndürən avtomobili və canlı qüvvəsi bu uzaq dağ kəndinə çatanda məktəb tam kül olmuşdu və yanğınsöndürənlər yanan məktəbin bünövrəsini söndürməklə kifayətlənmişdilər. Çünki yanan bütün materiallar bünövrəyə tökülmüşdü." Bunu Quba icra başçısının Xaltan İƏD üzrə nümayəndəsi Akif Sültanov bildirib.
Görünür, çarxaçulu uşaqlar bu dərs ili də qəzalı binada dərs keçməli olacaqlar. Yeni binada sevinmək bu kəndin uşaqlarına hələ ki, qismət olmadı.
14:16
Qubada tikintisi başa çatmaqda olan modul tipli məktəb yanıb. İstiPress-in məlumatına görə, hadisə bu gecə Çarxaçu kəndindəki təhsil ocağında qeydə alınıb.
Gecə saatlarında istifadəyə verilməsinə hazırlıq görülən məktəb binasında hələlik bilinməyən səbəbdən yanğın başlayıb.
Quba rayon icra başçısının müavini Səidə Abbasovanın verdiyi məlumata görə, məktəbin sabah - sentyabrın 21-də açılışı olmalı idi. Ancaq bina tamamilə kül olub.
Ehtimala görə, 8 otaq 56 yerlik məktəbdə hadisəyə səbəb qısaqapanma olub. Quba rayon prokurorluğunda araşdırma başlanılıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar