Xəbər lenti
Bakıda avtobus qəzası: ÖLƏN VAR - VİDEO
Paytaxtda ötən gün törədilən qəza zamanı xəsarət alan sərnişindən başqa, bir nəfər də avtobusun altında qalaraq dünyasını dəyişib.
Manevr.az xəbər verir ki, Xəzər rayonu Binə qəsəbəsində 136 saylı marşrutun törətdiyi qəza ölümlə nəticələnib.
Qəza ilə bağlı yayılmış ilkin məlumatda hadisə zamanı cəmi bir nəfər sərnişinin xəsarət aldığı bildirilirdi. Lakin məlum olub ki, qəza zamanı idaretmədən çıxan sərnişin avtobusu yüksək sürətlə dayanacağa doğru girib. Dayanacaqda olan bütün sərnişinləri kənara itələməyi bacaran bir kişi özü qəzadan yayına bilmədiyi üçün avtobusun altında qalıb.
DİN-dən apa-ya verilən məlumata görə, Xəzər rayonu ərazisində Abşeron rayon sakini, əvvəllər məhkum olunmuş Yelmar Atakişiyev idarə etdiyi “Daevo” markalı xətt avtobusunu yolun kənarındakı müşahidə kamerası quraşdırılmış dirəyə, sonradan isə səkidə dayanmış Bakı şəhər sakini Mansur Namazovu vurub.
Nəticədə M.Namazov və Y.Atakişiyevin sərnişini, paytaxt sakini Soltan Zərbəlizadə xəstəxanaya yerləşdiriliblər. M.Namazov orada ölüb.
Hadisəni törətmiş sürücü Yelmar Atakişiyev Xəzər Rayon Polis İdarəsinə aparılıb. İlkin ifadəsində o, eyni istiqamətdə hərəkətdə olarkən başqa bir avtobusun sürücüsü tərəfindən sıxışdırıldığı üçün bu qəzanın baş verdiyini deyib. Hazırda polis ərazidəki kameralar vasitəsi ilə qəzanın dəqiq səbəbini araşdırır.
Sözügedən daşıyıcı şirkətin direktoru Vüqar Əzimov ''Xəzər Xəbər''ə bildirib ki, sürücü Yelmar Atakişiyev artıq işdən çıxarılıb.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar