Xəbər lenti
"Qrup yoldaşın deyəcək ki, əxlaqsızsan" - 670 bal toplayan tələbənin ÖLÜM SƏBƏBİ
Xəbər verdiyimiz kimi, Bakı Ali Neft Məktəbinin 4-cü kurs tələbəsi, Hüseyn Maarif oğlu Abbasov özünü yataqxananın 11-ci mərtəbəsindən ataraq intihar edib.
İntihar edən tələbənin atası Abbasov Maarif oğlunun bir neçə fəndən kəsiri olduğunu deyib: "Bizə birdən məlum oldu ki, onun 4 kəsiri qalıb. Uşaq bunun üçün çox həyəcan keçirirdi".
Məsələylə bağlı AZXEBER.COM-a ilginc faktlar daxil olub.
Adının açıqlanmasını istəməyən tələbələrdən biri Hüseynin intiharına görə Bakı Ali Neft Məktəbini ittiham edib. Tələbə deyib ki, universitetdə kəsri olanları qovmaqla hədələyirlər və bu da gənclərdə psixoloji sarsıntıya səbəb olur:
"Mən Ali Neft Məktəbində 3 il təhsil almışam, son kursda təhsil alanda imtahan nəticələrimə görə, dərslərdən kəsildiyim deyilib. Rektora şikayət edəndə isə o dedi ki, universitetdən çıxmalısan. Onları məhkəməyə verəcəyimi deyəndə isə universitetdən mənə dedilər ki, əgər belə etsən qrup yoldaşlarından biri gəlib, sənin üzünə duracaq və deyəcək ki, əxlaqsızsan. Bunun mövzu ilə əlaqəsi odu ki, yəqin ki, bu tələbəyə də deyiblər ki, universitetdən çıxmalısan. Mən əminəm ki, heç kim universitetdən qovulma təhlükəsi olmasa, kəsrə görə narahat olmaz. Necə ola bilər ki, 3 ilə əlaçı olan tələbənin birdən-birə bu qədər kəsri oldu. Tələbənin kəsri ola bilər bu normaldır, ancaq universitetdə ona qovulma təzyiqi ediləndə, durum dəyişir, hər adam bunu daşıya bilmir. Mən də rektorun o sözlərindən sonra psixoloji gərginlik keçirmişdim və bir müddət psixoloq yanına getmişdim. Mənə təsir edən odu ki, universitetdə elə rejim qurulub ki, heç bir tələbə bunları deyə bilmir. Orada qanunsuz tələbə köçürülməsindən tutmuş, rüşvətə qədər hər şey onların gözü önündə baş verir, ancaq heç biri danışmır. Çünki tələbələrin bütün statusları, rəyləri izlənilir".
Məsələylə bağlı qarşı tərəfin də mövqeyini öyrənmək istədik, ancaq universitetin mətbuat xidməti telefon zənglərinə cavab vermədi.
Bakının Nizami rayonu ərazisində tələbənin intiharı ilə bağlı cinayət işi başlanıb. Bakı şəhər Prokurorluğundan verilən məlumatda bildirilir ki, faktla bağlı Nizami rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsilə cinayət işi başlanıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar