.png)
Xəbər lenti
Şəkidə Rusiya vətəndaşları bıçaqlanıb
Şəkidə bıçaqlanma olub. Şəki Rayon Mərkəzi Xəstəxanasından (RMX) APA-nın Şəki-Zaqatala bürosuna verilən məlumata görə, avqustun 7-si saat 22:30 radələrində, 1958-ci il təvəllüdlü Qiyas Qəni oğlu Rüstəmov və onun həyat yoldaşı, 1966-cı il təvəllüdlü Lyudmila Vasilyevna Sazanova bədənin çoxsaylı kəsilmiş-deşilmiş bıçaq yaraları xəsarəti ilə xəstəxanaya daxil olublar.
Qiyas Rüstəmova sol bazu və sol kürəkaltı nahiyənin, Lyudmula Sazanovaya isə başın ənsə və qarının göbəkaltı nahiyəsinin kəsilmiş-deşilmiş bıçaq yarası diaqnozu qoyulub.
Hər iki şəxsin müalicəsi xəstəxananın cərrahiyə şöbəsində aparılır, vəziyyətləri orta-stabil qiymətləndirilir.
Şəki Şəhər-Rayon Polis Şöbəsindən APA-ya bildirilib ki, hadisə rayonun Cəfərabad kəndində qeydə alınıb. Hazırda Rusiya dövlətinin Tümen vilayətində qeydiyyatda olan Qiyas Rüstəmov və həyat yoldaşı Lyudmila Sazanova bir neçə gün əvvəl Qiyas Rüstəmovun doğulduğu Cəfərabad kəndinə qonaq gəliblər. Ötən gün axşam saatlarında Qiyas Rüstəmov və Lyudmila Sazanovanın Qiyas Rüstəmovun qardaşı oğlu, 1992-ci il təvəllüdlü Vüsal Rasim oğlu Rüstəmovla aralarında mübahisə düşüb. Mübahisə zamanı Vüsal Rüstəmov doğma əmisi olan Qiyas Rüstəmova bıçaqla, onun həyat yoldaşına isə yaba ilə xəsarət yetirib. Hadisəni törədən Vüsal Rüstəmov tutularaq istintaqa təhvil verilib.
Faktla bağlı Şəki ŞRPŞ-də araşdırma aparılır.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar