Bir neçə nəfəri zəhərləyən məşhur prodüser edam edildi

“Yoozoo Games” yaradıcılıq şirkətinin rəhbəri Xu Yao 2020-ci ildə şirkətin qurucusunu zəhərlədiyinə görə ölüm cəzasına məhkum edilib və edam hökmü yerinə yetirilib.
Xarici medianın xəbərinə görə, Netflix platformasında yayımlanmış məşhur serialların prodüseri işgüzar münaqişə zəminində biznes partnyorunu zəhərləyərək öldürüb. 
Şanxay Birinci Xalq Məhkəməsi bildirib ki, Xu Yao şirkətin qurucusu Lin Qi-ni 2020-ci ilin dekabrında zəhərləyib.

Lin Qi zəhərlənmiş puer çayı içdikdən sonra özünü pis hiss edib və 10 gün sonra ölüb. 
Xu Yao 2020-ci ilin sentyabrından dekabr ayına qədər ofisdə içkilərə zəhər qatdıqdan sonra daha dörd nəfəri zəhərləsə də, onlar ölməyib.lent.az