Qadın meyitxanada dirildi, sonra görün nə baş verdi

Təfərrüatları açıqlanmayan qadın meyitxanada 5 saat qalıb və işçilər onun sağ olduğunu fərq ediblər.

Xəstəxananın mətbuat xidmətindən bildirilib ki, qadın xəstəxanaya qeyri-stabil vəziyyətdə və ölüm ərəfəsində təxliyə edilib. O, qidalanma və qıcolmalardan əziyyət çəkib və əvvəllər serebral iflic diaqnozu qoyulub. Növbətçi həkimlər onu monitora qoşub və tezliklə nəfəsinin dayandığını müəyyən ediblər. "30 dəqiqəlik reanimasiyadan sonra həkimlər onun öldüyünü elan ediblər və o, prosedura uyğun olaraq meyitxanaya köçürülüb", - xəstəxanadan bildirilib.

İstintaqın ilkin nəticələrinə görə, patoloqlar qadının hələ də hərəkətdə olduğunu görüb “meyit”i əməliyyat otağına qaytarıblar. Həkimlər ona yenidən süni tənəffüs versələr də, nəticəsi olmayıb. Beləliklə, həkimlər həmin gün xəstənin ölümünü ikinci dəfə - bu dəfə də etibarlı şəkildə təsdiqləyiblər. Xəstəxana hadisədən təəssüfləndiyini bildirib və qadının ailə üzvlərinə üzrxahlıq məktubu göndərib.
Bu hadisə paytaxt sakinlərinin qəzəbinə səbəb olub, onların çoxu şəhərin səhiyyəsinin vəziyyətindən dəhşətə gəlib. lent.az