Bakıda vəkilin intihar etməsinin səbəbi açıqlandı

Bakıda Vəkillər Kollegiyasının qarşısında özünü yandıraraq həyatına son qoyan vəkil Zaur Məmmədovun intihar səbəbi açıqlanıb.
Manevr.az xəbər verir ki, bu barədə onun dostu Aşur Bədəlsoy sosial şəbəkədə paylaşım edib.
"Sonuncu dəfə cümə günü Whatsapp vasitəsilə danışmışam. Son olaraq dost kimi deyim haqqı üzərimdə qalmasın. Tanıdığım sözünə bütöv tək-tük insanlardan biriydi. Mənə Bakıda yerləşən istintaq orqanlarından birinin müstəntiqinə bir neçə həftə qabaq 10.000 manat pul verdiyini dedi. İşin həll olmadığını, müstəntiqin də pulu qaytarmadığını bildirdi. İşin yiyəsinin də bunu tutdurmaq üçün prokurorluğa şikayət edəcəyini, Zaur müəllim də çarə tapmadığını və özünü yandıracağını dedi. Səhəri gün müstəntiqlə görüşəcəyini, olmasa özünü öldürəcəyini bildirdi".
A. Bədəlsoy bildirib ki, əvvəlcə vəkilin zarafat etdiyini düşünüb. Ona həll olacağını və səbrli olmağını deyib:
"Və bir də bir neçə başqa işlərdə pullar verdiyini demişdi. Onlar da buna bəlli zaman vaxt verdiyini və o zaman həll edəcəklərini bildirdiyini bildirmişdilər. Bugün səhərdən də əlaqə saxlaya bilmədim 
Narahat oldum. Xəbəri yayıldı".