Məşhur aşbaz diplomatın ölümündə ittiham edildi - 22 il həbs tələb olunur

Tamaşaçıların telekanallarda yayımlanan yemək müsabiqələrindən yaxşı tanıdığı aşbaz Somer Sivrioğlunun başı dərddədir.
Türkiyə mediasının məlumatına görə, may ayının 20-də Sivrioğlunun İstanbulun Beşiktaş məhəlləsində işlətdiyi restoranın divarının uçması nəticəsində ölən və yaralananlar olub. Divar uçarkən küçədən keçən İordaniyalı keçmiş diplomat Ahmet Muhammed Salem Lubbad uçqun altında qalaraq ölüb, 1 nəfər yaralanıb.
Uzun müddətdir məhkəmə davası davam edən Sivrioğluna işində yol verdiyi məsuliyyətsizliyə görə cinayət işi açılıb. Prokuror məşhur aşbaza 22 il 6 ay həbs cəzası tələb edib.lent.az