Qaxda polis qəza törətdi, ölən var

Qaxda ölümlə nəticələnən yol qəzası olub.
Manevr.az-ın xəbərinə görə, Daxili İşlər Nazirliyinin mətbuat xidmətinin Şəki regional qrupundan lent.az-ın sorğusuna cavab olaraq bildirilib ki, hadisə dünən saat 23 radələrində Qax rayonunun İlisu kəndi ərazisində baş verib. Polis nəfəri Faiq Məmmədovun idarə etdiyi “VAZ-21015” markalı avtomobil ilə 1995-ci il təvəllüdlü  rayon sakin Mahmud Bayramlının idarə etdiyi “VAZ-2106” markalı avtomobillər toqquşub.  Nəticədə hər iki sürücü və “VAZ-2106”dakı sərnişin müxtəlif dərəcəli bədən xəsarətləri ilə xəstəxanaya yerləşdiriliblər.  Göstərilən tibbi yardımlara baxmayaraq M.Bayramlı xəstəxanada vəfat edib, digər iki nəfərin isə müalicəsi davam etdirilir.
Faktla bağlı araşdırma aparılır.