Bakıda piyadanı vuran polis əməkdaşı axtarışa verildi - ŞƏKİL

Bakıda piyadanı vuraraq öldürən polis əməkdaşı axtarışa verilib.
Bakı şəhər Baş Polis İdarəsindən verilən məlumata görə, Nicat Əfqan oğlu İbrahimli Cinayət Məcəlləsinin 263.2-ci (yol hərəkəti qaydalarını pozma - ehtiyatsızlıqdan zərərçəkmiş şəxsin ölümünə səbəb olduqda) maddəsi ilə təqsirli bilinir.
Onun tutulması istiqamətində əməliyyat-axtarış tədbirləri davam etdirilir.

Qeyd edək ki, Nərimanov Rayon Polis İdarəsinin Dövlət Yol Polisi Şöbəsinin inspektoru olmuş Nicat İbrahimli bir neçə il əvvəl ölümlə nəticələnən yol qəzası törədib. O, idarə etdiyi 10 XX 955 dövlət nömrə nişanlı, “Toyota Prado” markalı avtomobillə yolu keçmək istəyən piyada, 1962-ci il təvəllüdlü İdrisova Ədilə Tapdıq qızını vurub. Nəticədə piyada ölüb.  
Nərimanov rayon məhkəməsi N.İbrahimlinin barəsində bəraət hökmü çıxarıb.
Lakin sonradan zərərçəkənin ailəsinin şikayəti əsasında məhkəmə onun həbsinə qərar verib. Lakin, N.İbrahimli qaçaraq istintaqdan yayınıb.

lent.az