İrəvanda kütləvi dava -nəqliyyatın hərəkəti iflic oldu

Bu gün, aprelin 16-da İrəvanda kütləvi dava düşüb.

 Erməni mediası bildirir ki, saat 10:50-11:10 radələrində Davitaşen-Aştarak avtomobil yolunun arasındakı hissədə 20-dən çox gənc avtoxuliqanlıq məqsədilə yolu kəsərək, bir-birini nalayiq sözlərlə təhqir və “linç” ediblər.
Hadisə yerindən çəkilişlər edən fotojurnalist Qaqik Şamşyanın sözlərinə görə, toqquşmaya iki avtomobilin toqquşması səbəb olub və xoşbəxtlikdən heç kimə zərər dəyməyib. Lakin nəqliyyatın hərəkəti iflic olub.

Dərhal hadisə yerinə gələn Ermənistan Daxili İşlər Nazirliyinin polis patrul xidmətinin əməkdaşları davanın bir neçə iştirakçısını saxlaya bilsə də, onlardan bəziləri patrulçuların maşınlarını görərək qaçıblar.

Ermənistan İstintaq Komitəsinin İrəvan İstintaq İdarəsinin Ajapnyak və Davitaşen inzibati rayonlarının istintaq şöbəsində baş verənlərlə bağlı xuliqanlıq maddəsi ilə cinayət işi başlanıb.

Polis və patrul xidməti istintaq şöbəsi ilə birlikdə davanın digər iştirakçılarının da müəyyən edilərək tapılması istiqamətində zəruri tədbirlər görür.Musavat.com