Xəbər lenti
An-26 hərbi təyyarəsi qəzaya uğradı : hərbçilər öldü
Kubanın Barakoa Hava Limanından qalxan An-26 təyyarəsinin qəzaya uğraması barədə rəsmi məlumat yayılıb.
Manevr.az axar.az-a istinadən xəbər verir ki, Kuba Müdafiə Nazirliyi 29 iyun, saat 6:38-də Playya Barakoa limanından havaya qalxan təyyarənin Loma-de-la-Pimenta rayonunda qəzaya uğradığını açıqlayıb. Qeyd olunub ki, Kuba İnqilabı Silahlı Qüvvələrinə aid olan hərbi təyyarənin göyərtəsindəki 8 hərbçinin hamısı həlak olub.
"Röyter" təyyarənin dağa çırpıldığını bildirib.
Hazırda qəzanın səbəbləri araşdırılır.
Qeyd edək ki, bundan öncə An-26-nın sərnişin təyyarəsi olduğu barədə məlumat yayılmışdı. Bildirilirdi ki, göyərtəsində 39-a qədər sərnişin olan təyyarə “Aerogaviota” şirkətinə məxsus olub. Təyyarənin ölkənin şimalındakı Barakoa aeroportundan qalxıb, cənubda yerləşən Pinar-del-Rio rayonunda radarlardan itdiyi, qalıqlarının Las-Lomas-de-San-Kristobal rayonunda tapıldığı da qeyd edilirdi.
Hərbi-nəqliyyat təyyarəsi olan An-26 Kiyev aviazavodunda 1969-cu ildən istehsal edilib. 1986-cı ilə - son istehsal ilinə qədər 1400 ədəd buraxılıb. Bu təyyarələrdən bəziləri sonradan cəmi 43 sərnişin tutan An-26-100 təyyarəsinə rekonstruksiya edilib.
Tarixi ərzində 130 An-26 qəzası olub və bu qəzalarda 1300-dən çox insan ölüb.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar