Xəbər lenti
“20 yanvarda Sovet qoşunlarını Bakıya mən çağırmamışdım” - Artur Rasizadə
Hər il 20 yanvar qətliamının ildönümündə ictimaiyyət 1990-cı ildə Sovet qoşunlarının Azərbaycana kimin çağırdığını müzakirə edir. Bu sırada 1990-cı ildə Azərbaycan rəhbərliyində təmsil olunmuş Əbdürrəhman Vəzirov, Vaqif Hüseynov, Ayaz Mütəllibov, Həsən Həsənov, Artur Rasizadə və digərləri ittiham olunur.
Hadisələr zamanı Baş nazirin müavini postunda çalışmış Artur Rasizadə Modern.az-a verdiyi ötən müsahibələrinin birində bu məsələdə günahı olduğu barədı iddiaları qəbul etmədiyini vurğulayıb.
“Sovet İttifaqının tarixində belə bir şey olmayıb ki, hansısa respublikanın Baş nazirinin müavini Mərkəzi Komitənin Baş katibinə məktub ya da teleqram göndərsin. Məgər Rasizadənin işi-gücü yox idi ki, Qorbaçova teleqram göndərir?! Respublikanın Birinci katibi, ikinci katibi, Baş naziri yerində ola-ola Baş nazirin müavini Artur Rasizadə hansı statusla Qorbaçova məktub göndərib Sovet qoşunlarını Bakıya dəvət edir? Belə yalan olar?! Əlbəttə iddialar yalandır...”,- deyə hazırda 88 yaşı olan A.Rasizadə bildirib.
Xatırladaq ki, 1990-cı il yanvarın 20-də sovet qoşunları Bakıda qətliam törədərkən Azərbaycanda aşağıdakı şəxslər rəhbər postları tuturdular:
Əbdürrəhman Vəzirov - Azərbaycan SSR Kommunist Partiyası Mərkəzi Komitəsinin birinci katibi;
Ayaz Mütəllibov - Azərbaycan SSR Nazirlər Sovetinin sədri;
Vaqif Hüseynov - Azərbaycan SSR Dövlət Təhlükəsizliyi Komitəsinin sədri;
Artur Rasizadə - Azərbaycan SSR Nazirlər Soveti sədrinin birinci müavini;
Müzamil Abdullayev Azərbaycan SSR Nazirlər Soveti sədrinin birinci müavini;
Həsən Həsənov - Azərbaycan SSR Kommunist Partiyası Mərkəzi Komitəsinin katibi
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar