Azərbaycanda 79 yaşlı qadın evdə diri-diri yandı

Daxili İşlər Nazirliyi Biləsuvarda baş verən yanğınla bağlı məlumat yayıb.
Nazirlikdən bildirilib ki, dekabrın 20-də saat 5:30-da rayonun S.Rufullayev küçəsində yerləşən R.Əhədova məxsus yaşayış evi yanıb və həmin vaxt evdə olan 79 yaşlı Nənələr Əhədova yanaraq ölüb. Meyit müayinə olunması üçün aidiyyatı üzrə təhvil verilib. Hadisə yerinə hüquq mühafizə orqanlarının əməkdaşları və FHN-in yanğından mühafizə dəstəsinin əməkdaşları cəlb olunublar.
Faktla bağlı Biləsuvar rayon Prokurorluğunda araşdırma aparılır.