"Milli Ön" aparatı külli mirdarda pulla birgə oğurlandı - VİDEO

Sabunçu rayonu, Balaxanı qəsəbəsində içərisində 5405 manat olan “Milli Ön” ödəniş terminalı oğurlanıb.
Daxili İşlər Nazirliyindən  verilən xəbərə görə, Sabunçu rayon Polis İdarəsinin 12-ci Polis Şöbəsinin əməkdaşlarının keçirdikləri əməliyyat-axtarış tədbiri nəticəsində hadisəni törətməkdə şübhəli bilinən Bakı şəhər sakinləri Roman Abbasov və Saleh Nağızadə müəyyən olunaraq saxlanılıblar. Onlar aparatı oğurlayandan sonra Balaxanı qəsəbəsi ərazisində sındıraraq kassadakı pulları götürüblər.
Araşdırma zamanı müəyyən edilib ki, ödəniş terminalı həmin ərazidən Saleh Nağızadəyə məxsus avtomobillə aparılıb. Saxlanılan şəxslərin terminaldan oğurluq etməsi ərazidə quraşdırılan təhlükəsizlik kameraları vasitəsi ilə də anbaan qeydə alınıb.
Faktla bağlı Sabunçu rayon Polis İdarəsinin İstintaq Şöbəsində Cinayət İşi başlanılıb. Hadisədə iştirak edən digər şəxslərin də saxlanılması istiqamətində əməliyyat-axtarış tədbirləri davam etdirilir.