_99.jpg)
Xəbər lenti
Sumqayıtda 7 yaşlı uşaq xəstəxanada vəfat etdi
Sumqayıt Şəhər Uşaq Xəstəxanasında ölüm hadisəsi qeydə alınıb.
Manevr.az xəbər verir ki, məlumata görə, xəstəxanada 7 yaşlı Ömər Amallı vəfat edib.
Ailəsi uşağın ölümündə səbəb kimi həkim səhlənkarlığını göstərir. Belə ki, uşaq göyərmə, boğulma simptomları ilə Sumqayıt Şəhər Uşaq Xəstəxanasına gətirilib. Qəbul şöbəsində Ömərin saturasiyasını (SPO2) ölçəndə bu göstərici 47% olub. Məlumata görə, uşaq qəbul şöbəsindən infeksiya şöbəsinə aparılıb. İddiaya əsasən, həmin şöbədə uşaq düzgün yönləndirilməyib və yenidən reanimasiya şöbəsinə köçürülüb. Süni nəfəs aparatı qoşulana kimi isə keçinib. Vəfat edən şəxs evin tək övladıdır.
Məsələ ilə bağlı Sumqayıt Tibbi Mərkəzi İctimaiyyətlə əlaqələr bölməsi ilə əlaqə saxladıq.
Mərkəzdən sorğumuza cavab olaraq bildirildi ki, 2015-ci il təvəllüdlü azyaşlının valideynləri iyunun 19-u yaşadıqları ünvana təcili tibbi yardım çağırıb və saat 19:31 radələrində həmin briqada vasitəsilə azyaşlı Sumqayıt Tibb Mərkəzinin tabeliyində olan Uşaq xəstəxanasına tənəffüs çatışmazlığı diaqnozu ilə ağır vəziyyətdə gətirilib: “Azyaşlı Uşaq Xəstəxanasının Təcili yardım şöbəsinin növbətçi həkimi tərəfindən qəbul edilib, ona kəskin bronxit, bronxospazm ilə T.Ç. III-IV dərəcə diaqnozu qoyulub və vəziyyətinin ağırlığı ilə əlaqədar olaraq İntensiv terapiya bölməsinə yerləşdirilib.
Onda saturasiyanın (SPO2) 47 % olduğu müəyyən edilib, xəstədə ürək və tənəffüs fəaliyyətinin dayanması müşahidə olunub. Ürək-ağciyər reanimasiya tədbirləri həyata keçirilib, ürək və tənəffüs fəaliyyəti bərpa edilib və reanimatoloq tərəfindən traxeyanın intubasiyası icra olunarkən xəstədə təkrar ürək dayanması baş verib. Həyata keçirilən müvafiq tibbi yardımlara baxmayaraq, saat 20:50 radələrində xəstənin bioloji ölüm baş verib”./qafqazinfo
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar