Zaqatala rayon Yuxarı Çardaxlar kənd sakini, 43 yaşlı Rəcəb Musadibir oğlu Mehdiyevdən 8 gündür xəbər yoxdur.
Ailəsi ilə birlikdə Mahaçqalaya işləmək üçün gedən Rəcəb Mehdiyev 8 gün əvvəl pul çıxarmaq üçün banka girib. Bankdan çıxandan sonra isə onunla əlaqə kəsilib.
Hazırda onun tapılması istiqamətində axtarış tədbirləri davam etdirilir.
Yuxarı Çardaxlar kənd sakinləri lent.az-a bildiriblər ki, R. Mehdiyev tez-tez Dağıstana gedib-gələn olub. Sonuncu dəfə o, bir müddət əvvəl işləmək üçün Mahaçqalaya gedibmiş. Ora gedəndən bir müddət sonra isə itkin düşüb.
