Filarmoniyanın gecə klubuna çevrilməsi xəbərinə rəsmi REAKSİYA

M. Maqomayev adına Azərbaycan Dövlət Akademik Filarmoniyasının ərazisində “UFFO” restoranının rəhbərliyi ilə cari ilin iyun ayından rəsmi müqavilə bağlanması üçün hazırlıq işlərinə başlanılıb. Lakin restoran rəsmi şərtlərə əməl etmədən özbaşına fəaliyyətə başlayıb və bu cür xoşagəlməz görüntülər meydana çıxıb.
Manevr.az xəbər verir ki, bu barədə Mədəniyyət Nazirliyindən bildirilib.
Mədəniyyət Nazirliyi sözügedən hadisədən təəssüfləndiyini bildirir və məsələnin həlli məqsədilə Filarmoniya rəhbərliyinə aidiyyəti tapşırıqlar verib.
"Bu məsələdə məsuliyyətsizlik göstərmiş şəxslər və müqavilə şərtlərinə əməl etmədən fəaliyyətə başlayan restoran rəhbərliyi barəsində tədbir görüləcək", - deyə məlumatda vurğulanıb.
Qeyd edək ki, sosial şəbəkələrdə Azərbaycan Dövlət Akademik Filarmoniyasının həyətində gecə klubunun fəaliyyət göstərməsi ilə bağlı görüntülər yayılmışdı./Modern.az