_99.jpg)
Xəbər lenti
İlahiyyat İnstitutunda Ramazan tədbiri keçirilib
Azərbaycan İlahiyyat İnstitutunda (Aİİ) Ramazan ayının hikmət və fəzilətləri mövzusunda tədbir təşkil olunub.Aİİ rektoru Aqil Şirinov Ramazan ayının gəlişi münasibətilə hər kəsi təbrik edib, Ramazanın mənəvi yüksəliş və bərəkət ayı olduğunu vurğulayıb. Ali təhsil müəssisəsinin rəhbəri bu ayın hikmət və fəzilətlərindən yararlanmağın vacib olduğunu qeyd edib.
Rektor daha sonra səmavi dinlərdə oruc ibadəti haqqında tələbələrə məlumat verib. Bildirib ki, İslamdan əvvəl də oruc ibadəti bütün ilahi dinlərdə mövcud olub.
A.Şirinov Qafqaz Müsəlmanları İdarəsi (QMİ) tərəfindən təsdiq olunan Ramazan ayının təqviminə, eyni zamanda, verilən tövsiyələrə əməl edilməsinin vacibliyinə də toxunub.
Aİİ-nin İslamşünaslıq kafedrasının müəllimi Vüqar Səmədov Ramazan ayının hikmət və fəzilətləri mövzusunda bəhs edərək, oruc ibadətinin insanlara səbri, təqvalı olmağı öyrətdiyini bildirib. Bu müqəddəs ayda insanların lüzumsuz işlərin ardınca getməsinin doğru olmadığını diqqətə çatdırıb.
Ramazanın həmrəylik, dostluq, qardaşlıq, sevgi, mərhəmət və ruzi-bərəkət ayı olduğunu vurğulayan V.Səmədov bu ayın insanları gözəl niyyətlər və xeyirxah əməllər naminə birliyə çağırdığını qeyd edib. O, cəmiyyət üzvləri arasında əlaqələrin gücləndirilməsində də Ramazan ayının xüsusi əhəmiyyətə malik olduğunu söyləyib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar