Xəbər lenti
Ukraynalı Tatyanadan ürpərdici sözlər – “Çeçen əsgər mənə dedi ki...”
Rus hərbi qüvvələrinin Ukraynanın paytaxtı Kiyev yaxınlığındakı Buça şəhərindən geri çəkilməsi günlərdir burada baş verən dəhşətli fəlakəti gün işığına çıxarıb.Rus hərbçilərinin Buçadan çəkilməsi ilə həftələrdir Rusiyanın nəzarətində olan şəhərdə yüzlərlə dinc sakinin öldürüldüyü faktını ifşa edib.
İngiltərənin “Röyter” agentliyinə danışan Buça sakini Tatyana Vladimirovna başına gələnləri ən xırda təfərrüatlarına qədər dilə gətirib. Tatyana yaşadıqlarını göz yaşları içində danışıb və rus əsgərlərinin amansızlığını sözlərlə təsvir edib.
Onun sözlərinə görə, rus hərbi qüvvələri şəhərə daxil olduqdan sonra hərbçilər onu və keçmiş donanma zabiti olan həyat yoldaşını evlərindən çıxarıblar.
Tatyana çeçen qüvvələrinin də bölgədə olduğunu iddia edib:
“Çeçenistandan gəldiyini düşündüyüm bir adam bizi kəsəcəyi ilə hədələdi. Dörd gün sonra məni buraxdılar, amma günlərlə hər yerdə ərimi axtardım”.
Tatyana əri ilə birlikdə yaşadığı mənzilin zirzəmisində bəzi cansız cəsədlər gördüyünü, onların arasında ərinin də olduğunu bildirib.
“Onu ayaqqabısından və şalvarından tanıdım. Vücudu doğranmışdı, bədəni kəsilmişdi. Qonşumda üzünün fotoşəkili var. Başından güllələnib, kəsilib, işgəncələrə məruz qalıb”, - Buça sakini söyləyib.
Tatyana başqa cəsədlərin olduğunu da deyib: “Ərimi qonşularımın köməkliyi ilə binanın yaxınlığındakı bağda basdırdıq. İtlərin yeməməsi üçün məzarını çox dərin qazdıq”. teleqraf.com
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar