Xəbər lenti
Xankəndidə qanunsuz aksiya - sülhməramlıların arxasında gizlənən ermənilərdən Ukrayna separatçılarına dəstək
Bu gün, martın 5-də Azərbaycan ərazisində qanunsuz aksiya keçirilib. Qarabağda, Rusiya sülhməramlılarının təsir zonasında yaşayan erməni separatçılar növbəti qanunsuzluğa yol veriblər.Manevr.az musavat.com-a istinadən bildirir ki, Xankəndidə toplaşan, Rusiya və Ermənistan bayraqlarını qaldıran ermənilər Ukraynanın Donesk və Luqansk bölgəsində elan olunmuş qanunsuz “respublika”ların tanınmasını istəyiblər.
Qanunsuz qurumlarla bağlı qeyri-qanuni aksiyanın iştirakçıları Ukraynanın ərazi bütövlüyünün əleyhinə şüarlar qaldırıblar. Arşak Abraamyan adlı separatçı Rusiyanın “DXR” və “LXR”-in “müstəqilliyini” tanımasını alqışlayaraq ümid etdiyini bildirib ki, növbəti addım “Artsax” adlı separatçı qurumun tanınması olacaq. “Biz Rusiya Federasiyasının xarici siyasətini alqışlayırıq, Qərbin Rusiyaya qarşı mövqeyini qəbul etmirik. Biz bütün tətbiq edilən sanksiyaları, eləcə də Ukrayna hakimiyyətinin köməyi ilə NATO-nun Rusiya sərhədlərinə qədər daha da genişlənməsini nəzərdə tuturuq”, - özünü “Ədalət” partiyasının nümayəndəsi kimi təqdim edən separatçı Abramyan deyib.
Qeyd edək ki, bir gün əvvəl Rusiyanın Ermənistandakı səfiri Sergey Kopırkin Qarabağ separatçılarına stimul verən açıqlaması ilə diqqət çəkmişdi. Bunun ardınca rus sülhməramlıların Azərbaycan ərazisində erməni separatçıların aksiya keçirməsinə imkan yaratması təsadüf sayıla bilməz və yəqin ki, rəsmi Bakı bununla bağlı özünün prinsipial mövqeyini ifadə edəcək.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar