.png)
Xəbər lenti
Qızına 400 minlik toy etdi, işdən çıxarıldı... - Qüdrət Şükürov nə iş görür?
Bakı Şəhər İcra Hakimiyyətinin tabeliyində olan “Lifttəmir” İstehsalat Birliyinin keçmiş baş direktoru Qüdrət Şükürov vəzifəsini itirsə də, bu sahədə fəaliyyətini davam etdirir. Manevr.az qaynarinfo-ya istinadən xəbər verir ki, Qüdrət Şükürovun lift sahəsi üzrə ixtisaslaşmış şirkəti var. Həmin şirkətin adı “Lifttexmontaj” MMC-dir.
Araşdırmalarımız zamanı məlum olub ki, “Lifttexmontaj” MMC 3 mart 2010-cu ildə təsis edilib. Nizamnamə kapitalı 50 AZN olan şirkətin hüquqi ünvanı Bakı şəhəri Nəsimi rayonu, Bəhruz Nuriyev küçəsi, ev 55, mənzil 2-də yerləşir. Şirkətin qanuni təmsilçisi Şükürov Namiq Balaməmməd oğludur.
Namiq Şükürov Qüdrət Şükürovun qardaşıdır. Görünür, şirkət yaradılanda Qüdrət Şükürov vəzifədə olduğu üçün MMC-nin qanuni təmsilçisi kimi qardaşının adını qeyd edib.
“Lifttexmontaj” MMC-nin adı dövlət satınalmalarında da keçir. Məlum olur ki, şirkət 2019-2020-ci illərdə ümumi maliyyə dəyəri 201 828 AZN təşkil edən 3 satınalma müsabiqəsinin qalibi olub. Müqavilələr Şirvan Şəhər İcra Hakimiyyətinin Mənzil Təsərrüfat İdarəsi, “1 saylı Bakı DOST Mərkəzi” Publik Hüquqi Şəxsi və Lənkəran Şəhər İcra Hakimiyyəti ilə bağlanıb.
Qüdrət Şükürov 2018-ci ildə tutduğu vəzifədən azad edilib. Onun işdən çıxarılmasının səbəbi kimi qızına dəbdəbəli toy etməsi göstərilir. Həmin vaxt yayılan məlumatlarda bildirilir ki, Qüdrət Şükürovun qızın toy xərci 400 min manat təşkil edib. İctimai müzakirələrə səbəb olan bu hadisə sonda Qüdrət Şükürovun işdən çıxarılması ilə nəticələnib.
O, vəzifəsini itirəndən sonra “Lifttəmir” İstehsalat Birliyindəki mənimsəmələrlə bağlı Baş prokuror yanında Korrupsiyaya Qarşı Mübarizə Baş İdarəsində Cinayət Məcəlləsinin 179.4-cü (mənimsəmə və ya israf etmə - xüsusi ilə külli miqdarda ziyan vurmaqla törədildikdə) və 308.2-ci (vəzifə səlahiyyətlərindən sui-istifadə, ağır nəticələrə səbəb olduqda) maddələri ilə cinayət işi başlanıb.
Ayrıca Qüdrət Şükürova qarşı da Cinayət Məcəlləsinin 193-1 (Cinayət yolu ilə əldə edilmiş pul vəsaitlərini və ya digər əmlakı leqallaşdırma) maddəsi ilə ittiham irəli sürülüb.
“Lifttəmir” İstehsalat Birliyinin nəzdində fəaliyyət göstərən “Baklift-1” və “Baklift-2”nin rəhbərləri həbs edilib. Qüdrət Şükürov barəsindəki cinayət işinin nəticəsi barədə isə hər hansı məlumata rast gəlinmir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar