Xəbər lenti
Azərbaycanlı alimlər Koreya beynəlxalq konfransında
Koreyanın Beynəlxalq Dil və Ədəbiyyat İnstitutu “Mədəni irslərin araşdırılması” mövzusunda beynəlxalq konfrans keçirib. Konfransda Azərbaycanın və Koreyanın tanınmış alimləri iştirak etmiş və məruzələr oxumuşlar. Koreya tərəfdən beş, Azərbaycanda isə iki məruzə oxunub.AMEA Nizami Gəncəvi adına Ədəbiyyat İnstitutunun Azərbaycan-Asiya ədəbi əlaqələri şöbəsinin müdiri, filologiya elmləri doktoru, professor Bədirxan Əhmədli “Sovet rejiminin Azərbaycan ədəbiyyatına təsiri və bədii düşüncənin repressiyası” mövzusunda məruizə edib. Məruzə ətrafında geniş fikir mübadiləsi aparılmış, rejim tərəfindən nəzarət mexanizminin ədəbiyyatdakı fəsadlarının yolverilməz olduğu qənaəti vurğulanmışdır. Məruzələr ətrafında Sunq Kyunqvan Universitetinin professoru Nam Qunq Conq və Sinhan Universitetinin professoru Nam Yonq Ho və başqaları müzakirələr aparıb.
Konfransda Koreya Kyunqi Universitetinin professoru Kim Cunq Qi “Poçon şəhərinə köçün sosial və mədəni aspektlərinin inkişafı”, Qanqvon Universitetinin professoru Çve Myonq Hvan “Kənd yerlərindəki folklor yazıları və istifadələri”, Azərbaycandan olan Seul İnha Universitetinin doktorantı Leyla Məsimlinin “Müstəqillik dövründə ümumi təhsil və müəllim hazırlığı”, Koreya Yonseyi Universitetinin doktorantı Bac Cun Yonqun “Koreya dili kurrikulumunda dialektlərin nəzərə alınması ilə bağlı təhsilin məzmunu” və başqaları məruzələr ediblər.
Beynəlxalq konfransda oxunan məruzələrin materialları 2022-ci ilin aprelində nəşr ediləcəkdir. Onu da qeyd etmək lazımdır ki, Beynəlxalq Dil və Ədəbiyyat İnstitutunun ildə üç dəfə nəşr edilən “Elmi məqalələr” toplusunun növbəti sayı Azərbaycana həsr olunacaq və burada Azərbaycandan 5 məqalə yer alacaq.
Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsi
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar