Xəbər lenti
İlk dəfə olaraq “Arı” və “Mirat” satirik jurnalları transfoneliterasiya edilərək yeni əlifbada toplu halında nəşr edilib
Azərbaycan Milli Elmlər Akademiyası Nizami Gəncəvi adına Ədəbiyyat İnstitutunun Mətbuat tarixi və publisistika şöbəsində “Arı” və “Mirat” satirik jurnalları transfoneliterasiya edilərək yeni əlifbada toplu halında ilk dəfə nəşr edilib. “Arı” və “Mirat” satirik jurnallarının komplektləri Ədəbiyyat İnstitutunun Elmi Şurasının 13 sentyabr 2021-ci il tarixli 6 saylı iclasının qərarı ilə çap olunub.
Toplunun elmi redaktoru AMEA-nın vitse-prezidenti, Nizami Gəncəvi adına Ədəbiyyat İnstitutunun direktoru, akademik İsa Həbibbəylidir. Jurnalları transfoneliterasiya edən, lüğət, qeydlər, izahların müəllifləri, çapa hazırlayanlar Mətbuat tarixi və publisistika şöbəsinin müdiri, professor Vüqar Əhməd və həmin şöbənin elmi işçisi Dilbər Rzayevadır. Həmçinin “XX əsrin əvvəllərində ictimai-siyasi şərait və satirik mətbuat” adlı ön sözün müəllifi Vüqar Əhməd, “Arı” və “Mirat” satirik jurnallarının nəşri tarixi və ədəbi-ictimai mənzərə” araşdırmasının müəllifi Dilbər Rzayevayadır. Rəyçilər filologiya üzrə fəlsəfə doktoru, dosent Rauf Sadıxov və filologiya üzrə fəlsəfə doktoru Gülbəniz Babayevadır.
“Arı” və “Mirat” jurnalları yeni əlifbada” adı ilə çap olunan toplu XX yüzilliyin əvvəllərində yayımlanmış “Arı” (1910-1911, 13 nömrə) və “Mirat” (1910, 5 nömrə) satirik jurnallarının ərəb qrafikalı əlifbadan transfoneliterasiyasıdır. “Ulu” nəşriyyatında işıq üzü görən toplu 430 səhifədir.
Jurnallarda həmin dövrün ictimai-siyasi, ədəbi və mədəni hadisələri ilə yaxından tanış olmaq mümkündür. Jurnalın komplektlərindən ədəbiyyat, mətbuat tariximizin araşdırmaçıları, doktorant, dissertant, magistr və bakalavr təhsili alan filoloqlar faydalana bilər. Kitab geniş oxucu kütləsi üçün nəzərdə tutulub.
Gülnar Səma
Nizami Gəncəvi adına Ədəbiyyat İnstitutu,
İctimaiyyətlə əlaqələr şöbəsi
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar