.png)
Xəbər lenti
Azərbaycan diasporu Zəfər bayramını dünyanın iri şəhərlərində qeyd edib
Manevr.az xəbər verir ki, Azərbaycan xalqının birlik və həmrəylik simvoluna çevrilən Zəfər bayramı Avropa və Asiyasnın iri şəhərlərində, dünyanın mədəniyyət mərkəzlərində də təntənə ilə qeyd edilib. Belə ki, 44 günlük müharibə dövründə olduğu kimi, bu şanlı qələbənin birinci ildönümündə də xaricdə yaşayan soydaşlarımız, diaspor təşkilatları birlik və həmrəylik nümayiş etdirir, Zəfər bayramının Azərbaycanın sərhədlərindən kənarda da təbliği işində fəal rol oynayırlar. Buna misal olaraq Avstraliyanın Sidney, ABŞ-ın Minneapolis, Kanadanın Monreal, Yaponiyanın Tokio, Litvanın Klaype, Fransanın Tuluz şəhərində şəhərlərində, habelə Belçika və Norveç məktəblərində Zəfər Günü münasibətilə təşkil olunan tədbirləri xatırlaya bilərik. Monteneqronun “Crnogorskiportal” saytında Azərbaycanın Zəfər Günü ilə bağlı məqalənin (https://crnogorskiportal.me/sadrzaj/6405) dərc olunmasını, Norveçdə “Xarı bülbül” konsertinin, Gürcüstanın paytaxtı Tbilisidə Qarabağ xalçalarından ibarət sərginin təşkil olunması da Azərbaycan diasporunun vətəndən uzaqda vətən naminə həyata keçirdiyi fəaliyyətlərin növbəti nümunələri hesab olunur.Avstraliya Azərbaycanlıları Mədəniyyət Assosiasiyasının rəhbəri Mikayıl Oytanın təşəbbüsü ilə Sidney şəhərində yük maşınlarının üzərində Vətən müharibəsi ilə bağlı şəkilləri əks etdirən elektron məlumatlandırıcı lövhələrin yerləşdirilməsi isə maraqla qarşılanıb. Yük maşınları insanların sıx hərəkət etdiyi küçələr boyunca hərəkət edib. Aksiyanın əsas məqsədi Avstraliya ictimaiyyətini 30 ilə yaxın davam edən münaqişənin Azərbaycanın şanlı Qələbəsi ilə bitməsi barədə məlumatlandırmaqdan ibarət olub.
Londonda isə 6 bina Azərbaycan bayrağının rənglərinə boyanıb. Diasporla İş üzrə Dövlət Komitəsinin dəstəyi və Birləşmiş Krallıqda fəaliyyət göstərən “Natavan Group”un təşkilatçılığı ilə Londonun Oksford küçəsindəki “John Lewis” binası, “Soho”, “London Eye” , “South bank”, “Covent Garden” və “Knightbridge” məhəllələrində binalar Azərbaycan bayrağı ilə bəzədilib. London vaxtı ilə saat 19:00-dan başlayan işıqlandırma mərasimi 01:00-a kimi davam edib.
Beləliklə, Zəfər bayramı həm də dünya azərbaycanlılarının “dəmir yumruq” ətrafında sıx birləşməsinin təzahürü kimi yaddaşlara həkk olunur. Bununla dünya azərbaycanlıları diaspor-dövlət birliyini yeni nüminəsini ortaya qoydu.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar