Xəbər lenti
Xocalı faciəsinin 25-ci ildönümü qeyd edilib - İsmayıllıda/ FOTOLAR
İsmayıllıda Xocalı faciəsinin 25-ci ildönümü ilə əlaqədar “Ana harayı” abidəsinə kütləvi yürüş edilib. Xocalı faciəsinin 25-ci ildönümü ilə əlaqədar idarə, müəssisə və təşkilatlarda, ümumtəhsil orta məktəblərində tədbirlər, ədəbi-bədii kompozisiyalar, yürüşlər, rəsm və inşa müsabiqələri, şəhidlərin xatirəsinə həsr olunmuş idman turnirləri keçirilib. 26 fevralda saat 10-da mərkəzi meydanda toplanmış 5000 nəfərdən çox İsmayıllı sakini Rayon İcra Hakimiyyətinin rəhbərliyi öndə olmaqla “Ana harayı” abidəsinə doğru hərəkət edib. İştirakçılar əllərində faciə səbəbkarlarını lənətləyən, gəncləri mübarizəyə səsləyən plakatlar tutaraq mərkəzi meydandan soyqırım abidəsinədək yürüş ediblər. Abidənin qarşısında rayon ağsaqqalı Valeh Salehov, veteranlar şurasının sədri Əlaləm Babayev, Xocalı sakini Zakir Bəndəliyev, Rayon İcra Hakimiyyətinin başçısı Mirdaməd Sadıqov həmin faciənin dəhşətlərindən danışaraq qisas gününün yaxın olduğunu bildiriblər. Ağdam 30 saylı tam orta məktəbin şagirdlərinin hazırladığı kompozisiya nümayiş olunub. Faciədə həlak olanların və şəhidlərin ruhuna dualar oxunub. Sonra “Ana harayı” abidəsinin və Qarabağ müharibəsində şəhid olan vətən övladlarının adları yazılmış lövhələrin önünə gül dəstələri qoyulub. Yürüş-ziyarətdən sonra İsmayıllı şəhər Mədəniyyət mərkəzində Xocalı faciəsinin 25 illiyinə həsr olunmuş ədəbi-bədii kompozisiya nümayiş olunub.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar