.png)
Xəbər lenti
Sabiq hakimin oğlu saxlanıldı
Səbail rayon Məhkəməsinin sabiq hakimi Alim Namazovun oğlu Anar Namazov həbs edilib.
Manevr.az Sabah.az-a istinadən xəbər verir ki, Anar Namazov bir neçə fiziki məhdudiyyətli şəxslərin adına şirkət açaraq portala daxil edib və dövlətdən yardımlar alıb. Daha sonra vergidən yayınmaq üçün MMC-ləri qısa müddət ərzində ləğv edib. Beləliklə, bir-birinin ardınca yaranıb-bağlanan bu qurumlar vasitəsilə külli miqdarda gəlir əldə edib.
Növbəti dəfə isə fiziki qüsurlu olmayan şəxslərin adından əlil kimi istifadə etməyə çalışıb. Bir neçə əməliyyatdan sonra isə saxta qurumlar ləğv edilib, ancaq onların vergi borcu qalıb. Onlarla şəxsə külli miqdarda vergi borcu haqda bildiriş gələndə isə şikayətlər başlayıb. Zərərçəkmişlər heç bir qurum yaratmadıqları, hər hansı əməliyyat aparmadıqları halda vergi borcunun necə yaranmasına aydınlıq gətirilməsini istəyiblər.
Hüquq-mühafizə orqanları zərərçəkənlərin şikayəti əsasında araşdırmaya başlayıb və Anar Namazov saxlanılıb.
İlkin məlumata görə, zərərçəkmişlərdən Quliyev Vəli İlqar oğlunun 5092 manat, Ağayev Ayxan Kənan oğlunun 14700 manat vergi borcu var.
Hakim Alim Namazovun işi Məhkəmə-Hüquq Şurası tərəfindən qeyri-məqbul qiymətləndirildiyi üçün 2007-ci ildə hakimlik fəaliyyətinə xitam verilib.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar