.png)
Xəbər lenti
“Səlis danışıq” Xocalıdan olan uşağı himayəyə götürüb - FOTOLAR
Fevralın 24-də Xocalı soyqırımının 25-ci ildönümü ilə əlaqədar “Səlis danışıq” Loqopedik və Psoxoloji Mərkəzdə anım tədbiri keçirilib. Tədbirdə Mərkəzin əməkdaşları ilə yanaşı, KİV nümayəndələri və bir neçə Xocalı sakini iştirak edib.
“Səlis danışıq” Loqopedik və Psixoloji Mərkəzin rəhbəri İradə Abdullayeva XX əsrin ən böyük bəşəri cinayətlərindən hesab edilən Xocalı soyqırımının qeyd edilməsinin əhəmiyyətini vurğulayaraq bildirib ki, Ermənistanın cinayətkar rəhbərliyinin törətdiyi bu vəhşilik beynəlxalq aləmdə özünün hüquqi qiymətini almalıdır.
Çıxış edən Xocalı sakini, müharibə veteranı Xəlil Vəliyev soyqırımı törədilən günlərdə şahidi olduğu hadisələrdən bəhs edərək bildirib ki, ermənilərin xocalılara qarşı törətdiyi cinayət insanlığın utanc hadisəsidir. Lakin təəssüf ki, dünya ictimaiyyəti hələ də ermənilərin bəşəri cinayətlərinə göz yumur və yaxud bu cinayətləri görmək istəmir.
Sonda Mərkəzin rəhbəri İ. Abdullayeva bildirib ki, onların kollektivi Xocalı rayon İcra Hakimiyyəti ilə əlaqə yaradaraq mərkəzin profilinə uyğun ehtiyacı olan uşaqların himayəyə götürülməsinə qərar verib: “Bu gün mərkəzimizdə Xocalı soyqırımını anma tədbirini keçirdik. Soyqırımın 25-ci ildönümü ilə bağlı həyata keçirilən tədbirlərdən biri kimi, biz qərara gəldik ki, daha konkret addımlar ataq və bu faciədən əziyyət çəkən ailələrin uşaqlarına əlimizdən gələn köməkliyi göstərək. Bu məqsədlə biz Xocalı rayon İcra Hakimiyyətinə müraciət etdik. Onların da tövsiyəsi ilə psixoloji yardıma ehtiyacı olan Xocalı ailəsinin övladlarından biri olan Sevinc Mustafayevanı öz himayəmizə qəbul etdik. Onun psixoloji və loqopedik problemlərini həll etməyi mərkəzimiz təmənnasız olaraq öz üzərinə götürüb”.
İradə xanım onu da əlavə edib ki, Sevinc ailəsilə birgə Goranboy rayonunda məskunlaşdığına görə onu Mərkəzin Bərdə rayon flialına qəbul ediblər: “Çalışacağıq ki, onun problemlərini mümkün qədər qısa vaxtda aradan qaldıraq”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar