.png)
Xəbər lenti
"Amnesty İnternational” Azərbaycanda vəziyyətin pisləşdiyini bəyan edir
“Amnesty İnternational” beynəlxalq insan haqları təşkilatı fevralın 22-də hesabat yayıb. Hesabatda 159 ölkədə insan haqlarının durumu qiymətləndirilib. Azərbaycanla bağlı hissədə ölkədə konstitusiyaya dəyişiklik edildiyi, prezidentin səlahiyyətlərinin və fəaliyyət müddətinin artırıldığı vurğulanır.
Azadliq.org-un məlumatına görə, Azərbaycanda müxalifətçi fəalların, insan haqları təşkilatlarının və müstəqil mətbuatın repressiyaya məruz qaldığı, təşkilatların çoxunun fəaliyyətini dayandırmalı olduğu, beynəlxalq qurumların müşahidəçilərinin isə ölkəyə buraxılmadığı qeyd edilir.
“Amnesty İnternational” Azərbaycan hökumətinin siyasi fəalları müxtəlif bəhanələrlə həbsə atdığını, bir çoxlarının, o cümlədən REAL Hərəkatının lideri İlqar Məmmədovun bütün beynəlxalq çağırışlara baxmayaraq azad edilmədiyini bildirir. Azad edilən fəalların – jurnalist Xədicə İsmayılın, hüquq müdafiəçisi İntiqam Əliyevin ölkədən çıxmasına icazə verilmədiyi, bəzilərinin fəaliyyətini dayandırmaq məcburiyyətində qaldığı xatırladılır. Yerli hüquq müdafiəçilərinin hesablamalarına görə, 100-dən çox adamın, o cümlədən gənclərin, jurnalistlərin siyasi baxışları ucbatından barmaqlıqlar arxasına salındığı qeyd olunur.
Hesabatda Azərbaycanda mətbuatın repressiyalardan özəlliklə əziyyət çəkdiyi vurğulanır, hökumətə qarşı yazan jurnalistlərin təqiblərlə, hədə-qorxu ilə, fiziki zorakılıqla üzləşdiyi deyilir.
Qeyd olunur ki, Azərbaycanda manatın devalvasiyasına dinc etirazları polis və təhlükəsizlik qüvvələri güclə boğub.
“Amnesty İnternational” Azərbaycanın hüquq mühafizə orqanlarında tutulanlarla sərt rəftar edildiyini, çox adamın işgəncələrə məruz qaldığını da vurğulayır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar